Hüt het ois de Gruch vo warmem Zopf gweckt und mir voller Energie usem Bett ghüpft. Denn hemmer ois derfe wiiterbilde und Wanderige intensiv studiert, sodass mir si nachher chönd bi J+S amelde. Zum nach dem Happe gschnell dureschnufe hemmer en Abstecher id Hiphop szene vo New York gmacht mit de Lena. (siehe Beitragsbild) Doch det isch usecho, dass d Lena statt Popcornmesse isch go Fete mache, was die nächsti Familiekrise usglöst het. Wer wunderets wemmer au Familiemitglieder rankt. Nacher hemmer d sach selber id Hand gno und oise eigeni Usflug plant. Dadebi hetted mir höch id Lüft sölle aber das isch wegem starche Wind leider is Wasser gheit. Wasser isch au bi vilne Gruppe de negschti Schritt gsi, well etz Bötli fahre ufem Programm staht. De Zmittag isch grandios gsi und het oisi Gschmacksnerve e Reis i orientalischi Länder ermöglicht. Nacher het ois denn d muetti magdalena klar gmacht wi wichtig ihre pünktlichkeit isch und es sind richtig d fetze gfloge, well de Bob s farbkonzept und eifach alles vo de buechhaltig chli verschisse het und s au nöd pünktlich gschafft het. Das het au zu paar änderige im pädagogisch wertvolle Familieranking geh. D Rubia isch höch im Kurs uf Platz 2 und d Lena het sich abedanced. Mir hoffed de armi Bob mag das verarbeite und brucht kei Therapie, well d Rückmeldig vo de Magdalena isch alles andere wi konstruktiv gsi. Anders wi d Rückmeldig wo mir nachher zu oisne zuvor plante TNBs becho hend. Damit mir nöd so fies umetrampled wi d mutti dreifel hemmer au no glernt, was esguets Feedback usmacht. Als negte Programmunkt sind di erste TNBs dra gsi. Nach dene sportliche Meisterleistige simmer denn au wider richtig fit gsi und hend Kohldampf gha uf znacht. Isch mal wider en absolute gaumeschmaus gsi. Das isches etz au wider mit eusere Brichterstattig, bis negschmal 🙂
Thama, Aikeli, Iruka, Mulan