Nacheme stärchende Zmorgä, hämmer über schwierigi Situatione mit Chnöpf gredet. Churz drüber abe simmer mit packtem Zmittag und ere schöne Portion Motivation und Enärgie, richtig Mais-säss los gwatschlet. Natürlich hämmer verschideni Routene gwählt zum as Ziel cho. So simmer i chliine Grüppli gwanderet, Schiff gfahre und Seilbähnli gritä. Ufäm Wäg händ sich diä einzälnä Grüppli immer wiedär mal troffä und sich uustuuschät. Will das ä wichtigi Info isch für eu: Es händ immer verschiedni Lüüt d Gruppe ahgleität.
Ändlich im Mais-säss ahcho hämmer s eus im Stall und uf de Wiese gmüätlich gmacht. Wo alli Grüppli ahcho sind hämmer eus zum Znacht e guäti Gärstesuppe ineghauä. Stärnä beobachte und singe hät de Abig super abgschlossä.
Nachärä wilde Nacht, entwedär im Zält oder im Stall hämmär eus wieder uff de zrugg Wäg begäh. Am See sind diä eintä no chli go schwaderä und nacher hämmär s Schiffli gno und de Zug und denn simmär wieder im Pfadiheim gsi.
Nach ganz viel Theorie hämmär eus nach dä Gruppästund zum diniärä im Spiessaal im EG iigfundä. Es hät Fajitas gäh.
Authorä: Baeo, Chia, Fiori, Lex und Rubia
!WARNUNG!:
Die Aktionen in diesem Blog werden von Profis ausgeführt oder von Profis überwacht. NICHT NACHMACHEN!