Nach eusäm verdiäntä lange Mittag ishes wiitergange miteme Postelauf. Mir händ verschiedeni Pfadithemene mitenad besproche zwüscheddure hemmer e chlini Tanzpause mit aaschlüssendem Chueche dörfe gnüsse. De Postelauf hemmer no fertiggmacht und oises wüsse am Schluss imene Quiz testet. D Frau Dreifel isch mittlerwiile so verzwiiflet, das sie endlich d Erlaubnis geh hett zum au neui Kreatione uusprobiere. Zum d Firma Dreifel wieder uf Kurs bringe hemmer die verschiedene Popcornsorte vom Heinz uusgwertet und abgstumme. Gliichziitig hemmer ide Gruppestund au gad no oise Tag analysiert. Bim Znacht hett d Gigi s Popolenta vo ihrere Nonna derfe präsentiere, mir hends alli sehr fein gfunde. Jetzt erwartet eus no en besinnliche Moment. Di einte werded s Roververspreche ablege, di andere gönd uf e Fackelwanderig oder tönt frage zum Sinn vom Lebe beantworte.
Bonobo, Sprite, Curasch, Flio, Maroa